ឯកឧត្តម ម៉ាន់ ឈឿន អញ្ជើញចូលរួមប្រជុំប្រចាំខែកញ្ញា និងទិសដៅការងារខែតុលា ឆ្នាំ២០២៥ ជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក
នារសៀលថ្ងៃចន្ទ ទី២៩ ខែកញ្ញា ឆ្នាំ២០២៥ ឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំប្រចាំខែកញ្ញា និងទិសដៅការងារខែតុលា ឆ្នាំ២០២៥ ជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
នាឱកាសនោះ ឯកឧត្តមបានសម្តែងការកោតសរសើរលើការខិតខំការពារសុខសុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋ ចូលរួមរៀបចំបុណ្យភ្ជុំបិណ្ឌបានយ៉ាងល្អ សូមបន្តរួមឧបត្ថម្ភប្រចាំខែជូនសមាគមថែទាំសុខភាពមនុស្សចាស់ និងជួយបន្ថែមមូលនិធិមេត្តាករុណាសម្រាប់គ្រួសារក្រីក្រ ចំនួនពីរលានរៀលថែមទៀត ឱ្យមូលនិធិបានកើនដល់ដប់ពីរលានរៀល គឺដើម្បីបន្តជួយបងប្អូនអាចមានលទ្ធភាពក្នុងការប្រកបមុខរបរខ្នាតតូចតាមការជាក់ស្តែង។ អង្គប្រជុំសូមបួងសួង តេជបារមីនៃធម៌ខន្តី និងសាមគ្គីឯកភាពជាតិ សូមជួយការពារឱ្យព្រះរាជាណាចក្រកម្ពុជាបន្តមានសុខសន្តិភាពយូរអង្វែង។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
